Yule dogo aliyechana mikeka sasa anaitwa Drogba

KOCHA wa Celtic, Brendan Rodgers, amesema staa wake, Moussa Dembele, anaweza kufikia mafanikio ya straika wa zamani wa Chelsea, Didier Drogba.
Dembele, 20, ambaye alifunga mabao mawili na kuipa pointi moja timu yake dhidi ya Man City kwenye UEFA katika sare ya mabao 3-3 amelalamikiwa na wadau wa michezo ya kubahatisha ‘betting’ kwani asilimia kubwa waliipa ushindi City mbele ya wenyeji Celtic.

 Rodgers alisema kuwa anaamini mshambuliaji huyo ana uwezo wa kufikia kiwango cha Drogba, ambaye alifanya makubwa akiwa na Chelsea.
“Hakuna mashaka kuhusu hili, nimewahi kufanya kazi na Didier nikiwa Chelsea na ninafikiri Moussa ana uwezo unaofanana na wake,” alisema Rodgers.