Kichuya sio mtu wa mchezomchezo anapiga sana mabao ya kona

KIUNGO mwenye uwezo mkubwa ndani ya kikosi hicho, Said Ndemla, amesema kuwa Kichuya ameshafunga mabao mengi sana kama alilofunga dhidi ya Yanga kwenye mazoezi na kwamba hawakushangaa kile alichokifanya dhidi ya Yanga.

Kichuya alifunga bao maridadi la kona ambayo ilikwenda moja kwa moja wavuni bila kuguswa na mtu dakika za lala salama na kuufanya mchezo huo kumalizika kwa sare hiyo ya kufungana bao 1-1.

Ndemla kulia

“Huwa kwenye mazoezi anafunga mabao kama yale, akipiga kona tatu ujue moja itaingia ndiyo maana hata ilipotokea ile kona tulipocheza na Yanga tukataka aipige yeye maana tulijua anaweza akafunga,” alisema.

Kichuya alifunga bao hilo dakika ya 87 kipindi cha pili wakati kila mmoja akiamini Simba watalala kwa bao 1-0 ikizingatiwa kwamba walikuwa pungufu baada ya Jonas Mkude kupewa kadi nyekundu.