Simba, Yanga stop Taifa

SERIKALI ya Tanzania imezuia Klabu za Simba na Yanga kuzitumia Uwanja wa Taifa kutokana na uharibifu uliofanyika jana katika mchezo wa ligi kuu uliozipambanisha timu hizo ambazo zilitoka sare ya bao 1-1.

Waziri mwenye dhamana ya michezo nchini, Nape Nnauye ametangaza kuufungia uwanja huo leo kwa timu za Simba na Yanga mpaka pale watakapofanya maamuzi mengine hapo baadaye.

Aidha alisema Simba itatakiwa kulipia hasara iliyotokana na uharibufu huo ambapo viti zinakadiriwa kuywa 1781 vilivunjwa huku akiongeza kuwa watafunga kamera za CCTV uwanja nzima ili kufuatilia mienendo ya mashabiki wanapokuwa uwanjani.

 

“Uwanja huu hautatumika kwa Yanga na Simba mpaka tutakapoamua hapo baadaye, watafute viwanja vingine, hapa kuna pesa za walipa kodi, pesa za Watanzania na wanaotakiwa kuutumia uwanja huu ukiwa mzuri kama ulivyo ni wengi kuliko Yanga na Simba wako wengine ambao ni wastaarabu wanaweza kuutumia uwanja huu,” alisema Nape.