Fabregas+pauni milioni 50= Bonucci

LI Chelsea wakamilishe dili la kumsajili beki wa Juventus, Leonardo Bonucci, 29, basi ni lazima watoe kiasi cha fedha pamoja na kiungo Cesc Fabregas awe sehemu ya dili hilo.

 Kocha wa Chelsea, Antonie Conte sasa anahaha kuhakikisha anaboresha safu yake ya ulinzi ambayo mpaka sasa imeonekana kuwa na matobo mengi.

 Takwimu zinaonyesha, Chelsea iliyocheza michezo saba mpaka sasa kwenye Ligi Kuu ya England yaani EPL imeruhusu nyavu zake kutikiswa mara tisa huku ikifunga 12 hivyo hali inaonekana kuwa mbaya zaidi kadiri ligi itakavyokuwa inaendelea.

Macho yake sasa hivi amegeuzia kwa beki wa Italia anayekipiga kunako Klabu ya Juventus, Leonardo Bonnuci ambaye anatajwa kuwa dau lake ni la rekodi ya dunia kwa mabeki ambayo ni zaidi ya pauni milioni 50.

 Juve sasa wanahaha kuhakikisha pia wanapata kiungo baada ya Paul Pogba kuondoka kikosi humo kwenye majira ya joto kwa dau la rekodi ya dunia la pauni milioni 89.

Hii imempata kigugumizi Kocha Conte ambaye anataka kuhakikisha anapata saini ya Bonucci ili akachukue mikoba ya Garry Cahil ambaye anaonekana kuporomoka kiwango chake msimu huu.