NAHODHA wa Simba, Jonas Mkude, ameuza siri za Simba baada ya kusema kwamba
ushindi wanaoupata katika mechi za Ligi Kuu ya Vodacom Tanzania Bara unatokana
na umoja wa wachezaji na viongozi wa klabu hiyo.
Mkude alisema licha ya kiwango kizuri kinachoonyeshwa na
wachezaji, lakini umoja unachangia
kupata ushindi kwa timu yao.
Mkude alisema baada ya kukosa ubingwa kwa muda mrefu
imewafanya kila mchezaji kutambua deni lake kwa mashabiki wa klabu hiyo na
kuwafanya wajitume kwa nguvu zote wanapokuwa uwanjani.
“Kikubwa kinachoifanya timu yetu ibadilike msimu huu ni
umoja uliokuwepo wa wachezaji na ili tuendelee kufanya vizuri umoja huu usivunjike.
“Nadhani wachezaji wote wanajua deni linalotukabili ni kukaa muda mrefu bila
ubingwa, lazima tupambane tuweze kulipa,” alisema Mkude.
 |
| Kikosi cha Simba |
Mkude alisema mipango waliyojiwekea ni kucheza kila mechi
kama fainali bila kujali timu wanayokutana nayo wala mahali wanapocheza.
Alisema katika mechi yao ya leo itakayochezwa kwenye Uwanja wa Uhuru, Dar es Salaam dhidi ya Mbao wamejipanga kuibuka na ushindi ili waendelee
kukaa kileleni.
Mkude alisema hawataidharau timu hiyo kutokana na uchanga
wao kwenye ligi hiyo, kwani watakachohitaji ni kuona wanaondoka na pointi tatu.
Simba wanaongoza katika msimamo wa ligi kutokana na pointi
23 baada ya kucheza mechi tisa, wakishinda saba huku wakitoka sare mbili.
Post a Comment