Hans Poppe akiri Mkude hajakomaa

MWENYEKITI wa Kamati ya usajaili ya Simba, Hans Poppe ameunga mkono kuwa ni kweli nahodha wa timu hiyo Jonas Mkude anaweza kuwa hajakomaa katika kuwaongoza wenzake ndani ya uwanja.

Mkude ambaye ni zao la klabu hiyo, wikiendi iliyopita alipata kadi nyekundu ya moja kwa moja na mwamuzi Martin Saanya kwa madai kuwa alimsukuma hadi akaanguka kwenye mchezo wa ligi dhidi ya Yanga ambao uliisha kwa sare ya bao 1-1.

Akizungumza Hans Poppe kuhusiana na kadi nyekundu aliyopewa kiungo huyo kuonyesha kuwa hajakomaa katika suala la kuwaongoza wenzake hasa linapotokea tatizo uwanjani alisema:

“Ni kweli, Mkude hakuwa sahihi, yeye ndiye angesimama na kuwatuliza wenzake. Kama tungebaki kumi na moja sidhani kama Yanga wangesimama.”