RAPA Nicki Minaj ameamua kuchukua jukumu la kumbembeleza ‘besti’
wake Drake, baada ya mkali huyo wa wimbo wa ‘One Dance’ kumwagana na Rihanna
mapema wiki iliyopita.
Rihanna, 28, na Drake, 29, ambao waliwahi kuwa wapenzi kabla ya
kuachana mwaka 2014 na chanzo kimoja cha habari kiliutonya mtandao wa
HollywoodLife.com kuwa Drake amepata mtu wa kumpa furaha ambaye ni Minaj, 33.
“Nicki (Minaj) alihuzunika aliposikia Drake ameachana na mpenzi
wake na akaamua kumpa sapoti,” chanzo hicho kiliendelea kuweka mambo wazi kwa
kusema rapa huyo amekuwa akimwita majina ya kimahaba na kumsifia lakini vyanzo
vingine vilisema kwamba ni Drake ambaye amekuwa akimtafuta rapa huyo na kuna
uwezekano akawa chanzo cha yeye kuachana na Rihanna.
Katika upande mwingine, Minaj na mpenzi wake, Meek Mill, wamekuwa
na uhusiano wa maji kupwa na kujaa kwa nyakati tofauti kama ilivyokuwa kwa
Drake na Rihanna, hivyo hatuwezi kujua labda Minaj ataamua kumwacha Meek Mill
ili ajimwage kwa Drake.
Post a Comment