MAKOCHA wanaoaminika kuwa ni bora zaidi kwa
sasa duniani, Jose Mourinho wa Manchester United na Pep Guardiola wa Man City
wameingia kwenye vita nyingine lakini sasa ni ya nje ya uwanja.
Baada ya vikosi vyao kucheza michezo sita kila
mmoja huku City wakiwa kileleni baada ya kushinda michezo yote na United wakiwa
nafasi ya sita na alama 13 makocha wote wameonekana kuhitaji huduma ya kiungo
wa Real Madrid, Toni Kroos, 26.
Guardiola na Mourinho kila mmoja anataka
kumsajili kiungo huyo kwenye majira ya baridi. Mpaka sasa Kroos kwenye La Liga
ametoa asisti tatu katika mechi sita huku akionekana kuzidi kuimarisha kiwango
chake katika safu ya kiungo ya Madrid.
Kroos alijiunga na Madrid mwaka 2014 akitokea
Bayern Munich, anatarajiwa kumaliza mkataba wake mwaka 2020 lakini hata hivyo
yupo kwenye mazungumzo ya kuongeza mwingine. Takwimu zake kwenye ligi kuu msimu
huu ni; Mechi sita, bao moja, asisti tatu na mashuti 13.
Post a Comment