WAKATI sakata la baadhi ya mashabiki wa Arsenal kumpinga
kocha Arsene Wenger, kutokana na kutoipa mataji timu hiyo likiendelea, kocha
huyo ameomba radhi kwa kutotimiza mahitaji hayo ya mashabiki.
Wenger amenukuliwa akisema: “Najua natakiwa kuwafanya
mashabiki wawe na furaha. Naomba radhi kwa kutowatimizia hilo. Hata mimi
nasikitishwa sana na kutowafanya wao wafurahi.”
Kauli hiyo imekuja mara baada ya mashabiki kadhaa kubeba
mabango yaliyokuwa yameandikwa ‘muda wa mabadiliko’ katika mechi ya juzi dhidi
ya Norwich ambapo Arsenal ilishinda bao 1-0.
Wenger ambaye timu yake haijashinda ubingwa wa Premier League
kwa miaka 12 sasa aliongeza: “Msimu huu tulitegemea kuwa tutakuwa mabingwa wa
ligi kuu, haijatokea ndiyo maana wamekuwa na hasira, mimi pia nina maumivu kama
wao.
“Kinachotakiwa ni kujipanga na kurejea kwa nguvu msimu ujao.
Ndani ya miaka mitatu iliyopita klabu imepiga hatua.”
Post a Comment