Takwimu zambeba Chirwa dhidi ya Mavugo

STRAIKA wa Yanga, Obrey Chirwa, amempoteza vibaya, Laudit Mavugo, baada ya kucheza mechi chache na kuweza kumkimbiza straika huyo wa Burundi.

Chirwa alianza kutoa ‘gundu’ kwa kufunga bao lake la kwanza tangu atue kuichezea timu hiyo kwenye ushindi wa mabao 2-0 dhidi ya Mtibwa.

Mzambia huyo aliyetua kuichezea Yanga kwa dau la Sh milioni 200, amecheza mechi za Kombe la Shirikisho Afrika dhidi ya TP Mazembe, Medeama na Mo Bejaia na mechi za ligi, huku nyingine ya kirafiki dhidi ya Mtibwa Sugar bila kufunga bao lolote.

Lakini sasa kwenye michezo tisa waliyocheza Yanga huku Chirwa akicheza mechi tano amefanikiwa kufunga mabao mawili na kuweza kumkimbiza Mavugo ambaye naye kwa sasa ana ukame wa mabao.

Kwa upande wake Mavugo ambaye timu yake imecheza michezo 10, huku akipewa nafasi ya kuanza kwenye kikosi hicho mara tisa akikosa mchezo mmoja pekee dhidi ya Mbeya City, ameweza kufunga mabao matatu mpaka sasa.

Mavugo ambaye mara nyingi amekuwa akitoka kipindi cha pili na kumpisha Fredrick Blagnon, kwa sasa ameshindwa kufunga kwenye mechi za mfululizo za timu hiyo.