KIKOSI cha Yanga jioni hii kimeshindwa kupata
ushindi kwenye mchezo wake dhidi ya Simba baada ya kutoka sare ya bao 1-1.
Yanga ambao ndio walikuwa wenyeji, walishindwa
kulinda bao lao lililofungwa dakika ya 26 na straika Amissi Tambwe kabla ya
kujikuta ikiruhusu bao dakika za mwisho kupitia kona iliyochongwa moja kwa moja
na kiungo mshambuliaji wa Simba, Shiza Kichuya dakika ya 87.
Hata hivyo katika mchezo huo ulishuhudia
mashabiki wanaodhaniwa kuwa ni wa Simba waking’oa viti muda mfupi baada ya
Tambwe kufunga wakipinga bao hilo kwa
madai kuwa kabla ya kufunga alishika na mkono mpira.
Polisi waliokuwepo uwanjani hapo walilazimika
kutumia mabomu ya machozi kuwatawanya mashabiki hao ambao baadhi yao waliondoka
kabisa uwanjani hapo.
Aidha wachezaji nao walionekana wakimzonga
mwamuzi na kushuhudia nahodha Jonas Mkude akipata kadi ya nyekundu hivyo kucheza
pungufu.
Post a Comment