HAYA masihara sasa kwani nahodha wa Yanga,
Nadir Haroub ‘Cannavaro’ jana asubuhi katika mazoezi ya timu hiyo aliweka utani
kwa kuushika mpira kisha kufunga bao akimtania Amissi Tambwe.
Mambo yalianza kama utani ambapo
Cannavaro akiwa na Kelvin Yondani aliushika mpira, akasogea karibu na lango akauweka
chini halafu akafunga kisha kumtazama Tambwe aliyekuwa jukwaani.
Tambwe ambaye hakufanya mazoezi hayo
kutokana na kuwa na majeraha kichwani, alimtazama Cannavaro na kutabasamu tu
akiwa ameweka mkono shavuni.
Oktoba Mosi, mwaka huu, Tambwe alizua sintofahamu
baada ya kuifungia Yanga bao la kuongoza dakika ya 26 lakini ilielezwa kuwa
aliushika mpira kabla ya kufunga.
Baadaye Tambwe raia wa Burundi alikiri
kuushika kabla ya kufunga lakini alilazimika kufunga kwani mwamuzi Martin
Saanya hakupiga filimbi kuashiria hilo.
Yanga ilikuwa ikifanya mazoezi hayo
kwenye Uwanja wa Uhuru jijini Dar es Salaam kujiandaa na mechi ya Ligi Kuu Bara
dhidi ya Azam FC ambayo itachezwa kesho uwanjani hapo.
Post a Comment