AMISSI Tambwe ameona
isiwe tabu na amesimama kifua mbele kumtetea mshambuliaji mwenzake wa Yanga, Obrey
Chirwa kwamba wanaomponda wanakosea na ipo siku wataona aibu.
Chirwa, raia wa
Zambia, alisajiliwa na Yanga hivi karibuni akitokea FC Platinum ya Zimbabwe
lakini hajafunga hata bao moja katika mechi za kimashindano na kuzua hofu kwa
mashabiki kuhusu uwezo wake.
Mshambuliaji huyo
ameichezea Yanga katika mechi za Kombe la Shirikisho Afrika, pia mechi tatu za
Ligi Kuu Bara lakini hajafunga hata bao moja licha ya kupata nafasi ya kucheza
mara kwa mara.
Kuhusu hilo,
Tambwe aliliambia Championi Jumamosi: “Binafsi niseme tu kwamba siyo vizuri
kumfanyia hivyo mchezaji, kwani yeye ndiyo hataki kufunga mabao kama
washambuliaji wengine?
“Hii ni hali tu
inatokea na naamini akipata nafasi atafunga, mbona hata Ulaya huwa tunaona
kwamba inafikia wakati mtu anacheza mechi nyingi bila kufunga lakini mashabiki
hawamtupi na wanampa sapoti?
“Wanaomponda Chirwa
aibu zitawapata hivi karibuni kwani jamaa (Chirwa) anaweza kufunga na
kudhihirisha ubora wake, haya mambo huwa yanatokea.”
Post a Comment