Pluijm akerwa na pasi za Kamusoko

KOCHA wa Yanga, Hans Pluijm amefunguka kuwa hafurahishwi na kikosi chake kupiga pasi nyingi uwanjani na kutoka bila pointi.

Yanga ambayo mpaka sasa imecheza mechi tatu na kati ya hizo imeshinda mbili na sare moja, imekuwa ikisifika kwa kupiga pasi nyingi huku wanaoongoza kwa kufanya hivyo wakiwa ni Deus Kaseka na Thaban Kamusoko.

Pluijma amesema anachukizwa na kitendo cha wachezaji wake kupiga pasi nyingi za nyuma huku pia zikichelewesha wao kupata ushindi kwani mpira umekuwa ukichelewa kutokana na wao kumiliki mpira hasa kwenye eneo lao na sio kwenye lango la adui. 

 “Sikatai kuwa tunatakiwa kucheza soka la kuvutia lakini muda mwingine soka halina maana sana unaposaka matokeo kwani kumiliki mpira hakukupi pointi tatu badala yake mabao utakayofunga ndiyo kila kitu.

‘Tatizo tunapiga pasi nyingi lakini asilimia kubwa zinakuwa kwenye eneo letu nyingi zikiwa kwa viungo na mabeki wetu jambo ambalo kwangu naona halina maana kabisa kwani hatufaidiki na uwingi wa pasi hizo,” alisema