Mkude: Mechi yetu na Azam ni presha tupu!

KIUNGO wa Simba, Jonas Mkude ameibuka na kusema mchezo wao dhidi ya Azam utakuwa mgumu kutokana na kila timu kuwa na presha kuwa. Simba inatarajiwa kucheza na Azam keshokutwa Jumamosi kwenye Uwanja wa Uhuru.
Mkude ameiambia spotiripotablog kuwa, mechi yao na Azam mara nyingi unakuwa na presha kubwa kila wanapokutana.

 Alisema anaamini watakuwa na mtihani mgumu watakapomenyana na Azam kutokana na wapinzani wao hao kufanya usajili makini kama ilivyo kwa wao.
 “Mechi yetu huwa na presha kubwa. Historia ya Simba na Azam inathibitisha hili ninalosema, lazima nianze kuzipigia hesabu  pointi tatu za Azam.
“Ukiangalia rekodi za Simba na Azam, mara nyingi huwa tunapata sare, kama na msimu huu tutapata matokeo ya aina hiyo, yanaweza kuvuruga mipango yetu,” alisema Mkude.
Mechi baina ya Azam na Simba imepangwa kufanyika Septemba 17.