 |
| Juuko |
KATIKA hali isiyotarajiwa,
beki wa kati wa Simba, Juuko Murshid bado hajajiunga na wenzake tangu
alipoondoka kikosini hapo katikati ya wiki iliyopita alipokwenda kuitumikia
timu yake ya taifa.
Juuko ambaye msimu huu tangu
uanze ameonekana hana nafasi ndani ya Simba, alikuwa kwenye kikosi cha timu ya
taifa ya Uganda kilichoibuka na ushindi wa bao 1-0 dhidi ya Comoro, na kutinga
michuano ya mataifa Afrika (Afcon).
Mganda huyo alitakiwa
kujiunga na wenzake tangu Jumanne ya wiki hii, lakini hakufanya hivyo huku akitafutwa
kwa njia mbalimbali ikiwemo simu, lakini hakupatikana.
Kocha Mkuu wa Simba, Joseph
Omog, ameliambia gazeti hili kuwa: “Juuko hajafika na sina taarifa zake kwa
nini hajajiunga na timu kwa sababu alitakiwa awe hapa mara tu alipomaliza
majukumu ya timu yake ya taifa kama walivyofanya wenzake.
“Lakini ukiangalia kwenye
kikosi chao cha Uganda, wachezaji wote wamejiunga na klabu zao, kasoro yeye.
Nilimwambia Mayanja (Jackson kocha msaidizi wa Simba) naye amtafute, lakini
hakumpata, sasa kutokana na utovu wa nidhamu aliouonyesha lazima nimuadhibu.
“Nitauambia uongozi umkate
mshahara wake wa mwezi huu ili kumkumbusha kwamba ni lazima awe na nidhamu
ndani ya kikosi changu.”
Post a Comment