 |
| WACHEZAJI WA SIMBA WAKISHANGILIA MOJA YA MABAO WALIYOFUNGA MSIMU HUU |
UPINZANI wa mechi ya Simba na Yanga
una faida yake ambapo kulingana na ukubwa wa mechi hiyo, vigogo wa Simba
wameamua kuwaongezea dau la ‘bonus’ wachezaji wao wanalowapa katika mechi
nyingine, pale wanapofanikiwa kuibuka na ushindi.
Tangu kuanza kwa msimu huu, Simba
imejiwekea utamaduni wa kuwapa wachezaji shilingi milioni tano kila timu hiyo
inapoibuka na ushindi lakini katika mechi dhidi ya Yanga, dau hilo limeongezeka
maradufu.
Mmoja wa vigogo wa timu hiyo
amelitonya Championi Ijumaa kuwa, makubaliano ni kwamba kama Simba itaibuka na
ushindi katika mechi hiyo, basi dau hilo la milioni tano watalipata mara mbili
zaidi na kwamba mwanachama mwingine mwenye ushawishi mkubwa klabuni hapo naye
ametoa ofa kuwa bonus yoyote watakayopewa vijana hao baada ya mechi hiyo basi
na yeye ataitoa ileile kutoka mfukoni mwake.
 |
| BENCHI LA UFUNDI LA SIMBA |
“Hii ni mechi kubwa, hata bonus
imeongezeka, itakuwa mara mbili zaidi ya ile ya kawaida au zaidi ya hapo,
lakini haiwezi kushuka na kwamba (anamtaja jina) naye amejitolea kwamba kiasi
watakachopewa vijana siku hiyo na uongozi basi na yeye atatoa kingine kama
hicho kwa ajili ya kuwaongezea zaidi,” alisema kigogo huyo.
Mechi hiyo ambayo inasubiriwa kwa
hamu na mashabiki wengi nchini kote, inatarajiwa kupigwa Oktoba Mosi, mwaka huu
kwenye Uwanja wa Taifa jijini Dar.
Post a Comment