Baada ya mchezaji wao kubaniwa, Simba yaamua kwenda Fifa

SIMBA imeamua kukishtaki Chama cha Soka cha DR Congo (Fecofa)

kwa Shirikisho la Soka la Kimataifa (Fifa) baada ya kugomea kutoa

hati ya uhamisho wa kimataifa (ITC) ya mchezaji wake, Mussa

Ndusha aliyesajiliwa hivi karibuni.

Hadi sasa Ndusha pekee ndiye mchezaji wa kigeni wa Simba

ambaye hajapata ITC kati ya waliosajiliwa katika dirisha

lililofungwa hivi karibuni kufuatia Fecofa kukataa kutoa ITC yake.

Katibu Mkuu wa Simba, Patrick Kahemele alisema:

“Wanachokifanya Fecofa ni utapeli wa kutaka kuitapeli Simba

kwa kutaka wapewe fedha kwa mchezaji asiye na mkataba,

tumelifikisha Fifa suala hili ili tupate haki yetu.”