Rasmi wanandoa Bradd Pitt, Angelina Jolie watemana

Wanandoa wenye jina kubwa kwenye ulimwengu wa filamu duniani, Bradd Pitt na Angelina Jolie, wameachana.

Jolie amesaini nyaraka za talaka ya kuachana na mume wake Brad Pitt akidai kuwa wameshindwa kutatua tofauti zao.

Nyaraka za mahakama zinaonyesha kuwa wanandoa hao waliachana rasmi Septemba 15 ikiwa ni miaka miwili na mwezi mmoja tangu waoane mnamo Agosti 2014.

 Kwa sasa, Jolie anatafuta ulezi wa watoto wao sita na ameitaka mahakama imruhusu Pitt kuwatembelea watoto wao.

Pitt alisema: “Nimeumizwa sana na hili ninachoangalia ni watoto sasa hivi.”

Naye wakili wa Jolie, Robert Offer alisema uamuzi wa talaka umefanywa kwa ajili ya familia.

“Jolie hawezi kuzungumza chochote kwa sasa na ameitaka familia hiyo iachwe katika wakati huu mgumu.”