 |
| Mtibwa |
MTIBWA Sugar imesema haitaidharau Mbao FC katika mchezo wao wa leo Jumamosi wa
Ligi Kuu Bara unaotarajiwa kufanyika kwenye Uwanja wa Manungu mkoani hapa.
Hivi
karibuni Mbao ambayo kabla ya kuvaana na Ruvu ilikuwa haijashinda mchezo wowote
zaidi ya kupata sare moja, iliwababua maafande hao mabao 4-1 katika mchezo wa
ligi.
Ofisa
Habari wa Mtibwa, Thobias Kifaru alisema watu wengi wamekuwa wakiidharau timu
hiyo kutoka Mwanza kutokana na mwenendo wake wa kusuasua katika ligi kuu lakini
amedai Mtibwa itapambana kwa nguvu kuhakikisha inashinda mchezo huo.
“Ni kweli,
wengi wanaidharau Mbao lakini kwetu ni tofauti kabisa, tutaingia uwanjani kwa
tahadhari kubwa na nguvu zote ili kuhakikisha tunaondoka na pointi zote tatu,
tunafahamu ilishinda mchezo wao uliopita, hivyo hatutaki yatokee na kwetu,”
alisema Kifaru.
Post a Comment