OFISA
Habari wa Simba, Haji Manara, juzi Jumatano alijikuta akidondosha machozi ya
furaha baada ya baadhi ya wanachana wa Klabu ya Yanga kumkabidhi mchango wao
kwa ajili ya matibabu ya tatizo la macho linalomkabili.
Manara
anasumbuliwa na tatizo la jicho la kushoto ambapo limepoteza uwezo wa kuona huku
lingine likiwa limepunguza uwezo wa kuona pia.
Wanachama
wakiongozwa na Ofisa Habari wa Yanga, Jerry Muro walimkabidhi Manara shilingi 1,055,000
ambapo anatarajiwa kusafiri kwenda nje ya nchi kutibiwa wikiendi hii.
Akizungumza
baada ya kupokea fedha hizo, Manara alisema: “Nawashukuru sana Yanga hususan
ndugu yangu Jerry kwa msaada huu mlionipatia kwa ajili ya matibabu, hakika
mmeonyesha kuwa utamaduni huu ndiyo unaotakiwa na hivyo ndivyo walivyokuwa
wakiishi wazee wetu wa zamani.
 |
| Jerry muro na Hajji |
“Soka
siyo uadui kama baadhi ya watu wanavyodhani, nawashukuru sana kwa uamuzi wenu
huo kwa sababu mmenipunguzia mzigo katika gharama za matibabu kwani
zinazotakiwa ni zaidi ya dola 10,000 (shilingi milioni 20).”
Upande
wa Muro alisema: “Tunakuombea kwa Mungu ili upone na urejee katika mapambano,
tunakuomba siku utakayoondoka utuambie ili tukusindikize uwanja wa ndege lakini
pia utakapokuwa unarudi nchini tuambie ili tuje tukupokee, wewe ni ndugu yetu
na ni kaka yetu, tunakupenda kutoka rohoni.”
Post a Comment