EVERTON imeweka mezani dau la pauni
milioni 12.5 ili iweze kumpata beki wa Porto, Bruno Martins Indi huku beki
wake, John Stones akijipanga kutimkia Man City.
KLABU ya Swansea inajipanga
kumrudisha mshambuliaji wake wa zamani, Wilfried Bony, 27, kutoka Manchester
City, hata hivyo Everton nao wameonekana kuvutiwa na nyota huyo raia wa Ivory
Coast.
MENEJA wa Leicester, Claudio Ranieri ameonyesha
nia ya kutaka kumsaini beki wa zamani wa Tottenham na Manchester City, Vedran
Corluka.
MANCHESTER United na Manchester City zipo
vitani zikimuwania mshambuliaji Mbrazili, Gabriel Jesus, 19.
BEKI wa kulia wa Arsenal, Hector
Bellerin amesema anapena kuendelea kubaki nyumbani, hiyo ni baada ya Manchester
City kudaiwa kuwa wanamtaka.
KOCHA mpya wa Sunderland, David Moyes
anataka kumsajili straika Will Keane, 23, wa Manchester United kwa ada ya uhamisho
ya pauni milioni 6.5.
WEST Ham imetangaza dau la pauni
milioni 18 kama dau la beki wake, Reece Oxford ambaye amezivutia timu wa Manchester
City na Manchester United.
KOCHA wa England, Sam Allardyce anatarajiwa
kuthibitisha kuwa Wayne Rooney atabaki kuwa nahodha wa kikosi hicho kwenye
mchezo wa kirafiki utakaopigwa Septemba Mosi dhidi ya Jamhuri ya Czech Republic.
STRAIKA wa Everton, Romelu Lukaku,
anaamini kuwa atamalizana na klabu yake hiyo na kurejea kwenye timu yake ya
zamani ya Chelsea.
Crystal Palace inataka kumsajili
straika wa Liverpool, Christian Benteke, 25.
Middlesbrough wameonyesha nia ya
kutaka kumsajili kiungo wa Lille, Ibrahim Amadou, 23.
MANCHESTER City bado inataka
kuwasajili kwa mpigo wachezaji wawili ambao ni beki wa Everton, John Stones na
mshambuliaji wa Borussia Dortmund, Pierre-Emerick Aubameyang. Ili kuwapata
watalazimika kutenga zaidi ya pauni milioni 100.
KLABU ya Juventus imeangaza tena kwa
kiungo wa Barcelona, Javier Mascherano
ikiwa watamuuza nyota wao, Paul Pogba kwenda Man United.
KOCHA wa Juventus, Max Allegri
amethibitisha kuwa klabu yake hiyo ipo kwenye majadiliano na Manchester United
kuhusiana na kuwauzia kiungo Paul Pogba. United wanaamini watakamilisha dili
hilo ambalo litawagharimu pauni milioni 100 hivi karibuni. Hiyo ni kwa mujibu
wa mwandishi Aaron Flanagan.
KLABU ya Liverpool imeripotiwa
kuchana na mpango wa kumsajili kiungo wa Udinese, Piotr Zielinski, hiyo ni
baada ya kukamilisha usajili wake kwa Georginio Wijnaldum kutoka Newcastle kwa
pauni milioni 25. Liver walikuwa wakimuwania kwa muda mrefu kabla ya hivi
karibuni kusitisha mipango hiyo.
KLABU ya Arsenal imepanga kutoa
kitita cha pauni milioni 75 kwa ajili ya kuwasajili nyota, Riyad Mahrez, 25, wa
Leicester City ambaye ni winga na straika wa Lyon, Alexandre Lacazette, 25.
KOCHA wa PSG, Unai Emery ameripotiwa
kufanya juu chini ili kuhakikisha anambakiza nyota wake, Blaise Matuidi
kikosini humo. Staa huyo ameripotiwa kutakiwa na klabu za England, Arsenal na
Manchester United ambao wao wanataka akawe mbadala wa Paul Pogba ikiwa
watamkosa.
Post a Comment