 |
|
Rais wa TFF, Jamal Malinzi
|
KOCHA
wa makipa wa Simba, Adam Abdallah ‘Meja’, analazimika kuikacha kambi ya timu
hiyo iliyopo mkoani Morogoro baada ya kutakiwa kurudi darasani kwa ajili ya
kozi ya ukocha iliyoandaliwa na Shirikisho la Soka Tanzania (TFF).
Kozi
hiyo ya Leseni C, inatarajiwa kuanza mapema mwezi ujao na itadumu kwa siku tano
ambapo mafunzo hayo yatafanyika kwenye Uwanja wa Karume zilizopo Ofisi za TFF
jijini Dar.
Meja alisema Julai 30, mwaka huu, ataondoka kambini
Morogoro na kuja Dar kwa ajili ya kozi hiyo ambayo anaamini itamuongezea ujuzi
kwani lengo lake siku moja ni kuifundisha timu ya taifa, Taifa Stars.
“Ni
kweli nitaachana na kambi ya huku Morogoro kwa ajili ya kuja kusomea kozi ya
ukocha ngazi ya juu, hapo awali kulikuwa na kozi nyingine kama hii ambayo
nilihudhuria, lakini hii ya sasa ni kama awamu ya pili.
“Julai
30 nitaondoka huku Morogoro na kuwaacha wenzangu wakiendelea na kambi, kozi
yetu itachukua takribani siku tano mpaka kukamilika, kozi kama hizi ni muhimu
kwetu na nitakuwa nahudhuria kila zikitokea kwani lengo langu ni kuja kuwa
kocha mkubwa hapa nchini ili siku moja niifundishe Taifa Stars,” alisema Meja.
Post a Comment