MWANARIADHA Usain Bolt ametania kwa kusema
kuwa anasubiri kuitwa kujiunga na kikosi cha Manchester United chini ya Kocha Jose
Mourinho.
Bolt raia wa Jamaica ni shabiki mkubwa wa Man United,
na amemtabiria Mourinho kuwa atafanya vizuri katika msimu huu akiwa kama kocha
wa timu hiyo.
“Bado sijapigiwa simu yoyote lakini naamini
nitapigiwa simu ya kujiungana Man United labda inasubiri baada ya kupita kwa
Olimpiki,” alitania Bolt ambaye mara kadhaa amekuwa akitembelea Man United.
“Nina furaha kubwa, Mourinho ni chaguo sahihi.
Mourinho ni mshindi, anafanya kazi kwa kujituma ili atwae mataji. Sasa anajenga
kikosi tungoje kuona kitakachotokea.”
Bolt yupo katika kikosi cha Jamaica
kitakachoshiriki Michezo ya Olimpiki mwaka huu huko Brazil akitetea medali ya
dhahabu katika mbio za mita 100 na 200.
Post a Comment