JOSE MOURINHO (pichani juu) atawapiga panga wachezaji wanane
wa kikosi cha sasa wakati akipambana kumsajili nyota wa Juventus, Paul Pogba.
Bosi huyo wa Manchester United anataka kufanya kazi na
kikosi cha wanaume 22 ili kujenga msingi wa timu.
Kiungo Pogba, 23, atanaswa kwa Pauni 100 milioni akiwa ni
sehemu ya kocha huyo maarufu kama Special One kufanya mageuzi Old Trafford. Ili
kutimiza mkakati huo baada ya wachezaji watauzwa na wengine watatolewa kwa
mkopo.
Chanzo ndani ya United kimesema: “Jose ameweka wazi kwamba
anataka kufanya kazi na wachezaji muhimu
22. Hiyo inamaanisha wanane itabidi waondoke.”
Wachezaji Marcos Rojo, Morgan Schneiderlin na Bastian
Schweinsteiger wako katika hatari kwa kuwa wamekuwa na msimu mbaya.
Wengine Adnan Januzaj alitolewa kwa mkopo msimu uliopita na
wasiwasi zaidi uko kwa Memphis Depay, Daley Blind na Juan Mata.
Kocha Mourinho anakwenda sambamba na klabu yake ya zamani ya
Real Madrid ambayo nayo inajaribu kumsajili Pogba.
United tayari imeshafanya biashara na wakala wa mchezaji
huyo wa kimataifa wa Ufaransa Mino Raiola katika msimu huu wa majira ya joto na
kuwachukua Zlatan Ibrahimovic na Henrikh Mkhitaryan.
Post a Comment