MSHAMBULIAJI mkongwe wa Simba, Mussa Mgosi, amefurahishwa
na usajili wa wachezaji wapya kwenye timu hiyo huku akitamba kuwa wapinzani wao
watawatambua kwenye msimu ujao.
Hiyo ni siku chache tangu timu hiyo ifanikishe usajili wa
nyota watano ambao ni Shiza Kichuya, Mzamiru Yassin, Emmanuel Semwanza, Hamad
Juma na Mohammed Ibrahim.
Timu hiyo hivi sasa tayari imeanza maandalizi kwa kuweka kambi
mkoani Morogoro chini ya Kocha Mkuu, Joseph Omog na msaidizi wake, Jackson
Mayanja.
“Ninazidi kufarijika na kupata matumaini ya timu yetu
kufanya vizuri kwenye msimu ujao na matumaini ya kutwaa ubingwa yameanza
kuonekana kutokana na usajili uliofanywa.
“Malengo yetu ni kutwaa ubingwa wa ligi kuu msimu ujao
baada ya kuukosa kwa kipindi cha miaka minne mfululizo, hivyo lazima malengo yetu
tuyatimize msimu ujao,” alisema Mgosi.
Post a Comment