KITENDO cha mwanamitindo, Kylie Jenner ku-post
kwenye mitandao ya kijamii picha inayoonekana akiwa na pete ya almasi kwenye
kidole chake cha ndoa huku akionekana mwenye furaha imezua taharuki.
Ingawa hakueleza chochote chini ya picha hiyo,
lakini tayari maswali lukuki yameibuka kuhusiana na hilo huku wengine wakienda
mbali na kusisitiza kuwa pete hiyo ni lazima inatoka kwa mpenziwe, Tyga.
Taarifa zaidi zinaeleza kuwa inawezekana kuna
kitu cha siri kinaendelea kati ya wawili hao kwa kuwa siku moja kabla ya Kylie
kujianika na pete hiyo, Tyga alionekana akitoka kwenye duka la vito vya thamani
akiwa na begi dogo jeusi la zawadi.
Kylie alipagawisha zaidi baada ya kuweka picha
nyingine ya kimahaba akiwa na Tyga na kuandika ‘Mr & Mrs’ lakini muda mfupi
baadaye akaifuta picha hiyo. Mpaka sasa hakuna kati yao aliyetokea kuzungumzia
ishu hiyo.
Post a Comment