 |
| Raul Gonzalez Blanco |
MADRID,
Hispania
NYOTA
wa zamani wa Real Madrid, Raul Gonzalez Blanco amewatuliza mashabiki wa kikosi
hicho kwa kusema, timu yao itaendelea kupata mafanikio hata kama Cristiano
Ronaldo ataondoka.
Ronaldo
raia wa Ureno amekuwa msaada mkubwa wa Madrid tangu alipojiunga na timu hiyo
mwaka 2009 akitokea Manchester United ambapo usajili wake ulivunja rekodi kwani
alinunuliwa kwa dau la pauni milioni 80 sawa na Sh bilioni 226.9.
Msimu
uliopita, Ronaldo alivunja rekodi ya ufungaji ya Raul kikosini na kuiwezesha
timu yake kutwaa ubingwa wa 11 wa Ligi ya Mabingwa Ulaya.
"Kuna
maisha mengine mazuri baada ya Ronaldo," alisema Raul na kuongeza: "Ronaldo
amefanya mambo makubwa hapa, lakini Madrid ni timu kubwa yenye wachezaji
wakubwa wa kuendeleza mafanikio.
"Ronaldo
amekuwa mfungaji bora kwa misimu saba, hakuna aliyefikiri kama itakuwa hivyo,
jambo la msingi ni kuendelea kujituma kama timu na hata kama (Ronaldo)
akiondoka.”
Post a Comment