Nyota watano waliocheza Man United na Arsenal

London, England

WIKIENDI iliyopita pale Old Traford tulishuhudia mtanange mkali kati ya wenyeji Manchester United ambao walibanwa na Arsenal na kutoka nayo sare ya bao 1-1.

Mchezo huo uliokuwa wa raundi ya 12 ulishuhudiwa Man United wakiwa wa kwanza kaundika bao lao kupitia kwa Juan Mata kabla ya ‘super sub’ Giroud kuisawazishia Arsenal dakika za mwishoni.

Leo ninakuletea nyota watano ambao wamewahi kucheza Man U halafu wakatimkia Arsenal au kinyume.

5) Mikael Silvestre

Mashabiki wa Arsenal hawataki kabisa kulisikia jina la mchezaji huyu. Jawakuvutiwa kabisa na usajili huu, ilionekana kama Arsene Wenger alikurupuka kufanya usajili wa Silvestre.

Beki huyo ambaye ni Mfaransa, akiwa United alicheza misimu tisa na kufanikiwa kutwaa makombe matano ya ligi, FA Cup na Champions League. Alicheza mechi 249 chini ya Kocha Alex Ferguson ambaye alimsajili kutoka Inter Milan mwaka 1999.

Kwa muda mrefu alikuwa akicheza kikosi cha kwanza kabla ya kuibuka kwa nyota Rio Ferdinand, Nemanja Vidic na Patrice Evra ambao walimuweka benchi.

Wenger alimsajili mwaka 2008 akiwa hayupo kwenye kiwango chake kutokana na kutocheza kwa muda mrefu. Akiwa hapo alikuwa akifanya makosa ya mara kwa mara uwanjani na alifanikiwa kucheza mechi 26 katika misimu miwili kabla ya kutimkia Werder Bremen.  

4) Frank Stapleton

Frank Stapleton alikuwa ni mmoja kati ya washambuliaji bora pale Arsenal lakini pia alifanya vyema akiwa Man United. Huyu bwana alienda kufanya majaribio Arsenal na Man United lakini mwisho wa siku akagomea ofa ya United na kutua Gunners. http://spotiripota.blogspot.com/

Alicheza jumla ya mechi 225 na akafanikiwa kuibuka mfungaji bora katika msimu mitatu mfululizo. Alifanikiwa kucheza fainali tatu za Kombe la FA lakini akabeba moja ambapo kwenye ushindi huo alifunga bao la tatu ambalo lilikuwa la ushindi (walishinda 3-2) dhidi ya United.

Hata hivyo iliripotiwa kuwa nyota huyo hakuwa na furaha zaidi kutokana na kutopata mafanikio akiwa kikosini hapo hivyo akafanya maamuzi magumu. http://spotiripota.blogspot.com/

Aliachana na Gunner na kutimkia United mwaka 1981 ambapo hapo alifanikiwa kucheza mechi 223. Alifanikwa kuchukua makombe mawili ya Kombe la FA mwaka 1983 na 1985.

Anarekodi ya kufunga bao akiwa na klabu mbili na kila moja kuifungia bao kwenye mchezo wa fainali wa Kombe la FA.

3) Geroge Graham

Haina ubishi kuwa Graham anabaki kuwa mmoja kati ya malejendi pale Arsenal na hiyo ni kutokana na mashabiki wengi kuonekana kumkubali kutokana na mafanikio aliyoyapata sio tu akiwa mchezaji bali hata alivyokuwa kocha, lakini pia aingia kwenye rekodi ya kuwa kati ya nyota wachache waliowahi kucheza Chelsea, United na Arsenal.

Graham aliondoka Arsenal mwaka 1971 na kujiunga Man U mwaka uliofuata na akiwa hapo akacheza kwa msimu mitatu. http://spotiripota.blogspot.com/

2) Viv Anderson

Huyu naye alikuwa mmoja kati ya nyota waliocheza katika timu hizi kwa nyakati tofauti. Lakini pia kama hujui huyu ndiye mchezaji wa kwanza mweusi kucheza timu ya Taifa ya England ambapo jumla alicheza mechi 30. http://spotiripota.blogspot.com/

 1) Robin Van Persie

Huyu jamaa aliondoka Arsenal na kujiunga na Man U mwaka 2012 na kutengeneza chuki nzito kati yake na mashabiki wa Arsenal.

Robin Van Persie, ambaye alikuwa mfungaji bora kikosini humo kabla ya kuondoka ambapo ndoto zake kubwa zilikuwa ni kutafuta kombe hivyo akaona sehemu ambayo atalipata kabla ya kustaafu ni United na kweli alipotua msimu huohuo akalipata.

Hata hivyo nyota huyo alidumu kwa miaka miwili tu klabuni hapo kabla ya kutimka. http://spotiripota.blogspot.com/

 http://spotiripota.blogspot.com/