Hussein Tshabalala kwa sasa anatajwa kuwa miongoni mwa mabeki bora wa kushoto kwa Tanzania. Katika taifa hili unapotaja walinzi bora, jina la Mohammed Hussein ‘Tshabalala’ haliwezi kukosekana.
Kiwango kizuri ndani ya kikosi cha Simba ndicho kilinachomfanya kocha yeyote anayekuja hapa nchini na kumuona Tshabalala avutike naye.
Lakini nyota huyu maeshindwa kujibana baada ya kumtaja straika wa Yanga, Donald Ngoma kuwa ndiye mchezaji aliyemsumbua zaidi kwenye ligi kuu kwa sasa.
Tshabalala anasema kuna mastraika watukutu, wengine wasumbufu, lakini uwezo wa Ngoma ni wa kipekee, ndiyo maana mtu akipambana naye nazima awe na akili ya ziada kuhakikisha kuwa ulinzi wake unakuwa wa makini zaidi.
“Nasema kutoka moyoni straika wa kimataifa wa Yanga, Mzimbabwe Donald Ngoma ndiye aliyenisumbua sana, kwani jamaa ni mashine hatari nje na ndani ya eneo la 18. Ukifanya kosa lolote mbele ya Ngoma lazima atakuadhibu,” anasema.
Post a Comment