http://spotiripota.blogspot.com/
Simba kupitia
Ofisa habari wake, Haji Manara mapema wiki ilitoa tamko la kugomea mechi zake
dhidi ya Yanga ikitaka zichezeshwe na waamuzi kutoka nje ya nchi wakihisi
kuhujumiwa na wale wa ndani.
Baada ya kauli
hiyo, Mwenyekiti wa Chama cha Waamuzi Tanzania (Frat), Nassoro Mwalimu, kwanza amelaani
kauli hiyo ya Simba pia akasema wakikubaliwa basi wao watagomea mechi zote za timu
hiyo.
Nassoro alisema: “Hao
Simba wameshapoteza mwelekeo baada ya kuona dalili mbaya za kutwaa ubingwa,
sasa wanatafuta sababu endapo wakishindwa kuwa mabingwa. http://spotiripota.blogspot.com/
“Kiukweli nimesikitishwa
sana kusikia kauli ile halafu tena inatolewa na Haji Manara ambaye ametokea
kwenye familia ya soka, kama wanataka waamuzi kutoka nje, basi na sisi
tutakataa kuchezesha mechi zao zote za ligi halafu tuone itakuaje.
“Wametutukana sana na wanatakiwa watuombe
radhi, huku ni kudhalilisha waamuzi na taaluma yenyewe, wanatakiwa watueleze upungufu
wetu na si kutudhalilisha kiasi hiki.” http://spotiripota.blogspot.com/
Tayari Shirikisho
la Soka Tanzania (TFF), kupitia kwa ofisa habari wake, Alfred Lucas, lenyewe
limesema kanuni haziruhusu jambo kama hilo, hivyo Simba haina hoja.
Post a Comment