Wakala wa baloteli amponda Klopp

WAKALA wa Mario Baloteli, Mino Raiola amemponda Kocha wa Liverpool, Jurgen Klopp kwa jinsi alivyokuwa akimtendea straika wake huyo hadi kufikia kuamucha kwenda kujiunga na Klabu ya Nice ya Ufaransa kwa mkataba wa mwaka mmoja.

Balotelli, 26, aliachwa na Liverpool katika michezo ya maandalizi ya msimu na kutakiwa kufanya mazoezi ni wachezaji wa akiba na Klopp akiweka wazi kwamba mchezaji huyo hakuwa katika mipango yake.

Na Raiola, ambaye pia anawawakilisha Zlatan Ibrahimovic, Paul Pogba na  Romelu Lukaku na baadhi ya mastaa wengine, hakufuhishwa jinsi mteja wake alivyokuwa akitendewa.

"Mwishoni, uongozi wa juu wa Liverpool ulikiri kwamba Klopp alikosea," Raiola aliliambia gazeti la michezo la Italia. Sitaki kumhukumu yeye kama kocha ingawaje, kwangu, siyo kocha mzuri lakini ameshindwa hata kujua kwamba Balotelli, pamoja na yote ni binadamu.

"Mario amekuwa wa kupigiwa mfano. Hajawahi kulalamika alipotakiwa kufanya mazoezi peke yake. Kusema kwamba ilikuwa ni kosa la Klopp itakuwa ni kejeli."

Raiola amedai Balotelli alikuwa na uwezo wa kuchagua kubaki sehemu yoyote ya Ulaya lakini alichagua kwenda Nice akiamini anaweza kurudisha kipaji chake akiwa Ufaransa baada ya misimu miwili ya kukatishwa tamaa Anfield.

"Kulikuwa na uwezekano wa kwenda Italia, Ujerumani, au kubaki England, Hispania, lakini tumechagua Nice," Raiola alisema. Ligi ya Ufaransa ina mvuto na soka lake la kushambulia.

"Kuhusu timu ya taifa ni kwamba Mario anaipenda sana lakini sasa mtazamo wake uko Nice.

"Kama timu ya taifa itamhitaji, ni vizuri, tutafanya mambo mengine, lakini kwa sasa anafikiria tu kuhusu kurudi uwanjani."