Ozil ang’ang’ania ajezi ya Wilshere

KIUNGO wa Arsenal, Mesut Ozil amesisitiza kwamba atahakikisha anaipata jezi namba 10 ambayo ilikuwa inavaliwa na kiungo wa timu hiyo aliyetolewa kwa mkopo Bournemouth, Jack Wilshere.

Ozil ambaye ni raia wa Ujerumani tangu amejiunga na kikosi hicho amekuwa akivaa jezi namba 11 lakini sasa ameona isiwe shida ni vyema akabadili na kuchukua 10 ambayo kabla ya Wilshere ilikuwa inavalia na Van Persie aliyeihama timu hiyo na kutimkia United.

Ikiwa atafanikiwa kuivaa hiyo basi atakuwa ana ‘mechisha’ na ile ya timu ya taifa ambayo ameichukua ya straika Lucas Podolski aiyestaafu kuichezea timu ya taifa.

"Kwangu mimi, jezi namba 10 ina maana kubwa sana,"  Ozil alisema wakati akihojiwa juu ya jezi namba 10 ya Ujerumani. "Ni namba ninayoipenda kuliko zote. Manguli wa soka kama Zinedine Zidane, Diego Maradona na Pele wamewahi kuvaa jezi zenye namba 10. Nina furaha sana juu ya jezi hiyo.

"Nilitaka kuipata jezi hii miaka michache iliyopita, lakini alikuwa akivaa Lukas Podolski na alikuwa amecheza mechi nyingi zaidi yangu. Lakini sasa nimeipata rasmi.

Alipoulizwa kama anataka kufanya hivyo na Arsenal pia kuichukua jezi hiyo iliyoachwa na Wilshere, Ozil alijibu: "Ndio, kwasababu haina mtu, basi naihitaji sana."