HIVI karibuni mshambuliaji wa Simba, Mrundi,
Laudit Mavugo, alipata fursa ya kuangalia jinsi Mrundi mwenzake wa Yanga,
Amissi Tambwe alivyokuwa akizifumania nyavu katika michuano ya Ligi Kuu Bara
msimu uliopita.
Mavugo alikuwa akiyaangalia mabao hayo kupitia
Mtandao wa YouTube ambako mabao yote aliyofunga Tambwe msimu uliopita
yanapatikana.
Habari za kuaminika kutoka ndani ya Simba
zimedai kuwa Mavugo alipagawa baada ya kuyaona mabao hayo na kujikuta
akimmwagia sifa mbele ya wachezaji wenzake waliokuwa wakiangalia naye video
hiyo.
“Hivi karibuni tulikuwa tunaangalia video ya mabao
ya Tambwe katika Mtandao wa YouTube ambapo kuna mabao yake yote 21 aliyofunga
msimu uliopita.
 |
| MAVUGO |
“Hata hivyo, Mavugo alipagawa baada ya kuona
jinsi jamaa alivyokuwa akifunga, zaidi alivutiwa na mabao mawili aliyofunga
katika mchezo dhidi ya Stand United mkoani Shinyanga kwa kutumia kichwa na mguu
lakini pia bao alilofunga wakati walipocheza na Mbeya City huko jijini Mbeya.
“Kutokana na mabao hayo, Mavugo alisema kuwa
jamaa anajua kufunga hata alipokuwa Burundi alikuwa akifanya vizuri lakini
atapambana naye,” kilisema chanzo hicho cha habari.
Alipoulizwa Mavugo kuhusiana na suala hilo alisema: “Nimeyaona
mabao hayo, ni mazuri, hivyo nampongeza kwa kazi hiyo.”
Kwa sasa wachezaji hao wapo kwao Burundi
ambako wameenda kuitumikia timu yao ya taifa ambayo leo itakuwa ugenini
kupambana na Niger.
Post a Comment