Wilshere akiwa na uzi mpya wa Bournemouth

KIUNGO Jack Wilshere akiwa na kikosi chake kipya cha Bournemouth jana alikitumikia kwa mara ya kwanza katika mchezo wa kirafiki dhidi ya AC Milan.

Katika mchezo huo uliopigwa kwenye Uwanja wa  Vitality ambao ni dimba la nyumbani la Bournemouth, wenyeji hao walishindwa kutamba kwani walikubali kichapo cha mabao 2-1.

Katika mchezo huo Wilshere ambaye amejiunga na kikosi hicho kwa mkopo wa msimu mzima kutoka Arsenal alicheza dakika 45 za kipindi cha kwanza.

Bao la Bournemouth lilifungwa na Lys Mousset dakika ya 65, na yale ya AC Milan yakiwekwa kimiani na Suso (64) na Mbaye Niang (66).