Bao lingine ya Yanga kwa Simba hili hapa

LICHA ya kufanya vuema uwanjani na kufikia hatua ya kutwaa ubingwa wa Ligi Kuu, Kombe la FA na kufanikiwa kushiriki Kombe la Shirikisho hatua ya makundi, Yanga bado inaonekana kuifunika timu ambayo ni watani wao, Simba hata nje ya uwanja, hiyo ni kupitia gharama za usajili kwa mchezaji mmojammoja wa kimataifa.

Nyota aliyesajiliwa kwa thamani kubwa zaidi ya wote katika kikosi cha Yanga ni Obrey Chirwa raia wa Zambia ambaye alisajiliwa kwa Sh milioni 240, wakati kwa upande wa Simba mchezaji mwenye thamani kubwa zaidi ni Fredric Bragnon raia wa Ivory Coast aliyesajiliwa kwa Sh milioni 100. Hapo utaona Simba imefunikwa tena kwa zaidi ya Sh milioni 140.