Shilole amjibu Nuh Mziwanda

SHILOLE NA NUH

MSANII wa muziki wa kizazi kipya, Zuwena Mohammed ‘Shilole’, ameonekana kumjibu mpenzi wake wa zamani, Nuh Mziwanda, kwa kumuanika mpenzi wake mpya.
Shilole toka ameachana na Nuh Mziwanda amekuwa akifanya siri kwenye mahusiano yake ya kimapenzi na kushindwa kumwonyesha mpenzi wake.
Mwishoni mwa wiki iliyopita, picha za Shilole na mvulana aliyejulikana kwa jina moja la Peter zilisambaa kwenye mitandao mbalimbali ya kijamii.

SHILOLE NA NUH

Licha ya picha hizo kuvuja, Shilole alishindwa kuzungumza chochote juu ya picha hizo ambazo ziliwaonyesha wawili hao wakiwa sehemu ambayo ni faragha.
Mashabiki wa Shilole walitumia ukurasa wa msanii huyo kutaka kujua ukweli kama mvulana huyo ni mpenzi wake mpya au la.
“Tunataka  tujue kama ni kweli hapo ndipo kwenye usingizi wako au la maana picha zenu tata hatuzielewi kabisaa, hebu tupe ukweli tuondoe ukakasi,” aliandika shabiki yake, Rajabu Mustapha.