NAIBU Waziri wa Ardhi, Nyumba na Makazi
na Mbunge wa Jimbo la Ilemela, Angelina Mabula ameahidi kutoa Sh 50,000 kila
bao litakalofungwa na kikosi cha Mbao katika michezo yote iliyobaki ya Ligi Kuu
Bara msimu huu.
Mbao ambayo makao yake makuu ni
Ilemela, ilifanikiwa kutoka sare ugenini dhidi ya Stand United katika mchezo wa
kwanza wa ligi kuu kabla ya wikiendi iliyopita kupoteza kwa bao 1-0 dhidi ya
Mwadui FC.
Mabula alisema licha ya Mbao kupoteza
mchezo huo lakini alifurahishwa na kiwango walichokionesha katika mchezo huo
kwani walitengeneza nafasi nyingi tofauti na wapinzani wao jambo ambalo
limemvutia kununua kila bao watakalofunga timu hiyo michezo iliyobaki.
 |
| Waziri Angelina Mabula katikati |
"Ukweli timu yetu imepoteza
mchezo katika uwanja wake wa nyumbani (Kirumba) lakini nimefurahishwa na
kiwango ambacho vijana wamekionesha dhidi ya Mwadui,
hili limenifanya nihamasike kununua
kila bao watakalofunga katika mechi zijazo kwa Sh 50,000 ili kuhamasisha vijana
wetu kujiamini na kuisaidia timu kupata matokeo mazuri,” alisema Mabula.
Post a Comment