Maneno ya Kichuya kwenda kwa mashabiki wa Simba

KIUNGO mshambuliaji wa Simba, Shiza Kichuya amewaomba mashabiki na wanachama wa kikosi hicho kuwapa sapoti ya kutosha ili kuhakikisha timu hiyo inapata matokeo mazuri.

Kichuya ambaye anasifika kwa kuwa na kasi uwanjani, jana aliiongoza Simba kupata ushindi wa mabao 3-1 dhidi ya Ndanda FC huku yeye akifunga bao moja, mengine yalifungwa na Blagnon na Laudit Mavugo.

Kichuya alisema ligi imeanza hivyo wanahitaji sapoti ya kutosha kutoka kwa mashabiki wa timu hiyo kwani wanapokuwa uwanjani kwa wingi inawafanya wao wachezaji wacheze kwa nguvu na kujituma zaidi ili wapate ushindi.

“Tunashukuru kwa ushindi huu dhidi ya Ndanda lakini kikubwa mashabiki na wanachama tuwe kitu kimoja sasa, ligi imeanza hivyo waipe sapoti ya kutosha timu yao,” alisema Kichuya.