KOCHA wa Manchester United, Jose
Mourinho amemsifia kiungo wake, Paul Pogba kuwa anaweza kuwa mchezaji wa
kiwango cha juu duniani zaidi ya ilivyo sasa kutokana na kurejea kwake klabuni
hapo akitokea Juventus.
Mourinho alisema hayo muda mfupi
kabla ya Pogba kuingia uwanjani kuanza kuichezea timu yake hiyo mchezo wa
kwanza tangu asajiliwe, kwenye Uwanja wa Old Trafford dhidi ya Southampton,
jana usiku.
 |
| MOURINHO |
“Naweza kusema ni kiungo bora
duniani. Sir Alex (Ferguson) alifanya kila linalowezekana kumbakisha klabuni
hapa awali lakini haikuwezekana, nafikiri klabu haijaona aibu kumrejesha.
“Chelsea iliwahi kufanya kosa kama
hilo kwa Nemanja Matic, miaka kadhaa baadaye nilimrejesha. Hivyo, Paul amerudi
na ninamuona ana furaha kurejea, yupo hapa kuchukua mataji. Uwepo wake
utaonekana kwa kuwa ni mchezaji mkubwa,” alisema Mourinho.
Mbali na hapo Mourinho alitoa
angalizo kwa mashabiki wa timu yake kuwa wasitegemee mambo makubwa ndani ya
muda mfupi hasa kutoka kwa Pogba.
“Sitegemei kuwa mechi ya kwanza atapata
mpira aukokote, apige chenga watu watano na kwenda kufunga bao la ajabu.
“Nategemea apate pasi, atulie, apige
pasi za uhakika na kuutuliza mchezo,” alisema.
Post a Comment