Aliyeibania Yanga ajiuzulu kuhofia usalama wake

Ariana Angel

KOCHA Mkuu wa Klabu kongwe nchini Misri ya Al Ahly,  Martin Jol amejiuzulu kuifundisha timu hiyo akihofia usalama wake.

Kocha huyo aliiongoza Al Ahly kuiondosha Yanga kwenye michuano uya Klabu Bingwa Afrika kwa mabao 3-2 na vijana hao wa Jangwani kuangukia kwenye Kombe la Shirikisho ambako walitinga hatua ya makundi.

  

Kocha huyo ambaye ni raia wa Uholanzi alikuwa na mkataba wa mwaka mmoja lakini mpaka sasa ameutumikia kwa miezi sita pekee.

Mashabiki wa klabu hiyo walionekana kukerwa sana na kushindwa kwa timu hiyo kufika hatua ya nusu fainali Ligi ya Mabingwa Afrika hali ambayo ilionekana kumtisha kocha huyo wa zamani wa Ajax na Tottenham.

 Tangu wakati huo amepokea vitisho pia kupitia mitandao ya kijamii jambo ambalo anasema limechangia uamuzi wake wa kuondoka.

Jol alijibizana na mashabiki Ijumaa iliyopita baada ya timu yake kutoka sare 2-2 dhidi ya Klabu ya Zesco United na kuzima matumaini yao ya kusonga mbele.