Barthez amkimbia Dida, amfuata Ngoma

KIPA wa Yanga Ali Mustapha 'Barthez', leo amefanya mazoezi ya ndani na wachezaji wenzake wa kikosi hicho tofauti na yale ya kulinda lango.

Barthez aliamua kufanya mazoezi hayo mepesi ya ndani huku akionekana kumudu kutoa pasi mara kadhaa wenzake, ili kujiweka fiti zaidi kutokana na kutocheza kwa muda mrefu mechi za kiushindani za kimataifa kutokana na mara nyingi Kocha Hans van Der Pluijm kumtumia Dida.

Pia kipa wa zamani wa Simba, Juma Kaseja akiwa na kikosi hicho cha Msimbazi aliwahi kufanya mazoezi ya ndani na kudai kuwa aina hiyo ya mazoezi huwasaidia makipa hasa anaporudishiwa na wachezaji wake.

Yanga inajindaa na mchezo wao wa Kombe la Shirikisho Afrika dhidi ya MO Bejaia utakaochezwa Julai 13, mwaka huu kwenye Uwanja wa Taifa jijini Dar. Mshambuliaji Donald Ngoma anatarajiwa kukosa mchezo huo kutokana na kutumikia adhabu ya kadi.