The Game, Snoop waandamana kituo cha polisi

 MARAPA Snoop Dogg na The Game wameamua kukusanya watu zaidi ya 100 na kufanya maandamano ya amani mpaka kwenye Makao Makuu ya Polisi ya Los Angeles kwa ajili ya kupinga mauaji ya watu weusi nchini humo.

 

Maandamano hayo yalikuja baada ya vifo vya vijana wawili weusi waliouawa wiki iliyopita na polisi wa kizungu kwa nyakati tofauti, lakini baada ya tukio hilo, kijana mweusi pia aliwaua askari watano wa kizungu kabla ya kujeruhi wengine saba kwa bastola aliyokuwa nayo. 

Baada ya kufika kituoni hapo, Snoop na The Game walifanikiwa kufanya mazungumzo na Meya wa Los Angeles, Charlie Beck na Mkuu wa Polisi wa L.A, Charlie Beck na baada ya hapo kwa pamoja wakaungana kukemea vitendo hivyo na kuahidi kulifanyia kazi suala hilo.

Nyimbo na maneno mbalimbali ya kupigania haki kwa amani na kutiana moyo kwa kinachoendelea zilisikika eneo hilo kabla ya baadaye Snoop ku-post video katika mitandao ya kijamii akiwashukuru waliojitokeza kuunga mkono zoezi hilo kwa kuonyesha upendo na uchungu kwa kilichotokea.

Hata hivyo, mastaa wengine wakiwemo John Legend, Amber Rose, Rihanna, Hillary Clinton, Justin Timberlake, Beyonce, Kim Kardashian, Drake, Pink, Tyga na wengine wengi walionyesha hisia zao za kuchoshwa na matukio hayo katika kurasa zao za mitandao ya kijamii kwa kukemea na kuwatia nguvu watu weusi.