JOSEPH
Omog hataki utani hata kidogo, anataka kutengeneza kikosi cha ubingwa, tayari
inaelezwa amewatema nyota wawili raia wa Congo waliokuwa wakifanya majaribio
kwa siku kadhaa klabuni hapo.
Nyota ambao inaelezwa kocha huyo wa Simba raia
wa Camaroon amewakataa ni Musa
Ndusha na Janvier Bukungu lakini Blagnon Fredric raia wa Ivory Coast na
Mzimbabwe, Method Mwanjali pamoja na Mcameroon, Ndjack Anong Guy Seugesakiwa,
bado wanaendelea kuangaliwa zaidi katika majaribio.
Simba
kwa sasa imeweka kambi mkoani Morogoro huku ikiwa inawafanyia majaribio
wachezaji kadhaa kutoka sehemu mbalimbali ili kuhakikisha inakuwa na kikosi
bora kuelekea msimu ujao wa Ligi Kuu Bara.
Bosi kutoka
ndani ya Klabu ya Simba ambaye hakutaka jina lake liwekwe wazi, alifunguka
kuwa, Omog amefikisha taarifa kwa uongozi wa klabu hiyo kuwa hajaridhishwa na
viwango vya wachezaji hao, hivyo anahitaji wengine zaidi aweze kuwaangalia.
Hata
hivyo, Omog ameonekana kukazania zaidi mazoezi ya fiziki kwa wachezaji wake ili
kuwaongezea stamina ikiwa ni pamoja na kuchunguza uwezo wa kila mmoja.
“Kocha
hajakubaliana na viwango vya wachezaji wote Wacongo wanaofanya majaribio, hivyo
anahitaji wachezaji wengine zaidi kwa ajili ya kuwapima.
“Kufuatia
taarifa hiyo, kuna wachezaji wengine zaidi wanatarajiwa kutua kuanzia wiki
ijayo ili kuweza kuona ni wachezaji gani ambao watakuwa na viwango ili waweze
kusajiliwa na kuna mazungumzo yanaendelea na wachezaji mbalimbali.
“Wachezaji
watakaotua watakuja kuangaliwa zaidi katika mechi yetu ya kirafiki ya Simba Day
ambayo tutacheza tarehe nane mwezi ujao,” alisema bosi huyo.
Post a Comment