KATIKA
hali isiyokuwa ya kawaida, Makamu wa Rais wa Simba, Geofrey Nyange 'Kaburu'
juzi alivamia kwenye vyumba vya kubadilishia nguo vya Uwanja wa Taifa na kwenda
kumpongeza kipa wa Medeama ya Ghana, Daniel Agyei.
Tukio
hilo la aina yake lilitokea mara baada ya kumalizika kwa mechi ya Kombe la
Shirikisho Afrika wakati Yanga ilipowakaribisha Medeama na kubanwa kwa sare ya
bao 1-1.
Katika
mechi hiyo, kipa wa Medeama ndiye alikuwa kikwazo kwa Yanga kupata ushindi
baada ya kuokoa mabao manne ya wazi akiwa yeye na Obrey Chirwa, Amissi Tambwe
na Donald Ngoma aliyekosa mawili.
Kaburu
baada ya kipyenga kupulizwa, akiwa amekaa jukwaa kuu la uwanja huo, haraka
alishuka chini na kwenda kuingia kwenye vyumba vya Medeama na kumpongeza.
Hiyo
haikutosha, Kaburu alimtoa nje ya vyumba hivyo na kumpa mkono wa kumpongeza
huku akisikika akisema:
"Katika
mechi ya leo wewe ndiye mchezaji bora, kiukweli unahitaji pongezi kubwa
kutokana na kiwango kikubwa ulichokionyesha.
"Uliokoa
hatari nyingi golini kwako ambazo kama siyo jitihada zako, basi mngefungwa,
nakupongeza sana kwa kweli,” alisikika Kaburu akisema hayo.
Kaburu
hakuishia hapo, alionekana muda mwingi mlangoni mwa vyumba vya Medeama huku
akionyesha tabasamu zito la furaha baada ya Yanga kutoa sare hiyo.
Post a Comment