Kikosi cha kwanza Man City v Chelsea

London, England

MANCHESTER City leo itakuwa mwenyeji wa Chelsea kwenye mchezo wa Ligi Kuu England maarufu kama Premier League.

Mchezo huo unatarajiwa kupigwa kwenye Dimba la Etihad leo saa 9:30 Alasiri. City wapo nyuma kwa alama moja dhidi ya vinara Chelsea hivyo akishinda atakwea hadi kileleni na akifungwa inabidi aombee Arsenal ipoteze mchezo wake wa leo dhidi ya West Ham, hiyo pia inaigusa na Chelsea.

Kocha wa Chelsea, Antonie Conte ameonekana kubadili mfumo na sasa wanatumia zaidi 3-4-3 ambao unaonekana kufiti huku wachezaji wake wakionyesha morali kubwa katika kila mchezo wanaocheza.http://spotiripota.blogspot.com/

Chelsea imepoteza michezo miwili pekee huku ikitoa sare mara moja na imeshinda mechi kumi hivyo ina wastani mzuri kisoka kwani hata ukiangalia kwa upande wa ufungaji wanaonekana kuwa vyema kutokana na straika wake Diego Costa kuonekana yupo ‘On fire’ na mpaka sasa katupia kambani mabao 10 sawa na Aguero wa City.

City chini ya Kocha Pep Guardiola, nao siyo wa kubeza kwani licha ya kuonekana kama wameshindwa kupata matokeo ya ushindi katika mechi kadhaa zilizopita bado huwezi kusema wanapigwa mchezo wa leo.http://spotiripota.blogspot.com/

Takwimu zao zinaonyesha katika michezo 13 waliyocheza wameshinda tisa, sare mitatu huku wakifunga mabao 29 na wao wakiruhusu 12 hivyo siyo wa kubezwa.

Kifuatacho ni kikosi cha kwanza kinachoundwa na wachezaji wa timu hizi ambazo leo zitanapambana; http://spotiripota.blogspot.com/