El Clasico
ndiyo habari ya leo ambapo wababe wa soka nchini Hispania Real Madrid na
Barcelona watakuwa pale Camp Nou kupambana.
Dunia kidogo
itasimamisha mambo yake na mashabiki wengi wa soka watatazama mechi ya Ligi Kuu
Hispania ‘La Liga’ kati ya Barcelona na Real Madrid kwenye Uwanja wa No Camp
leo saa 12:30 jioni.
Hii ni moja
kati ya mechi kali za watani wa jadi duniani na inaweza kuwa ya kwanza katika
miaka ya hivi karibuni, kwani nyingine sasa zinaonekana ni za kawaida na
zilizokosa mvuto. http://spotiripota.blogspot.com/
Mechi ya
kwanza ya El Clasico ilichezwa mwaka 1902. Huo ulikuwa mchezo michuano ya Kombe
la Ligi ambapo Barcelona ilishinda mabao 3-1, hata hivyo mechi ya kwanza ya La
Liga kati ya timu hizo ilichezwa Agosti 17, 1929 ambapo Madrid ilishinda mabao
2-1.
Hadi sasa
mechi 264 za El Clasico zimechezwa ambapo Barcelona imeshinda 109, Madrid 97 na
zilizobaki 58 ni sare. Ila katika La Liga, Madrid ndiyo vinara kwani katika
mechi 172, wao wameshinda 72, Barcelona imeshinda 68 na 32 ni sare.
Hii ni zaidi
ya mechi katika La Liga pia kati ya mechi zinazofuatiliwa zaidi Ulaya na
duniani kote kila zinapochezwa. Chini ni takwimu mbalimbali zilizowekwa na
nyota wa timu hizo zote.
11. Beki na
nahodha wa Madrid, Sergio Ramos ndiye kinara wa kadi nyekundu mpaka sasa akiwa
kapata 11 na nne kati ya hizo kazichukua kwenye El Clasico.
13. Lionel
Messi wa Barcelona ndiye mchezaji mwenye asisti nyingi zaidi katika
historia ya El Clásico akiwa kapiga 13
mpaka sasa. Pia anaongoza kwa kuwa na mabao mengi ambayo ni 21 katika michezo
32 aliyocheza.
21. Katika mabao
21 ambayo Messi amefunga kwenye El Clasico, 12 sawa na 57% amefunga akiwa
ugenini yaani pale Bernabeu. http://spotiripota.blogspot.com/
10. Katika
mabao 16 aliyofunga Ronaldo kwenye El Clasico 10 kati ya hayo amefunga ugenini
yaani Nou Camp lakini pia ana asisti moja katika jumla ya michezo 25
aliyocheza.
18. Nyota wa
zamani wa Madrid, Alfredo Di Stefano ndiye kinara wa mabao klabuni hapo katika
El Clasico, alifunga mabao 18. http://spotiripota.blogspot.com/
0.Clasico haikuwahi kutoa matokeo ya suluhu kuanzia Novemba
2002 mpaka sasa.
4. Kocha Luis
Enrique alishinda mabao 4-0 kwenye mchezo wa mwisho kwenye Uwanja wa Bernabeu
na kumfanya kuwa meneja pekee kuwahi kushinda kwa idadi kubwa ya mabao akiwa
ugenini dhidi ya Madrid katika La Liga. http://spotiripota.blogspot.com/
23. Matokeo
ya mabao 2-1 kwenye Clasico yamejitokeza mara nyingi zaidi ambapo ni mara 43
katika michezo 232 na Madrid wameshinda kwa idadi hiyo mara 23 ambayo ni nyingi
zaidi.
21. Barcelona wamefunga bao kila mchezo katika mechi 21
zilizopita dhidi ya Real Madrid, na kuweka rekodi ya kufungwa mfululizo katika
historia ya El Clasico.
0. Messi hajawahi
kufunga bao kwenye Clasico akiwa anacheza pamoja na Luis Suarez na Neymar.
2. Suarez mchezaji
pekee ambaye alifunga mara mbili kwenye Clasico akiwa pamoja na 'MSN' huku
Madrid nayo ikiongozwa na 'BBC' kwenye ushambuliaji. http://spotiripota.blogspot.com/
Post a Comment