KLABU ya
Vital’O ya Burundi imeibuka na mpya baada ya kupanga kuja Dar es Salaam
Septemba mwaka huu kwa ajili ya kudai fedha zao kiasi cha dola 5,000 za
Kimarekani sawa na zaidi ya Sh milioni 13 za usajili wa straika wao wa zamani,
Amissi Tambwe.
Tambwe alisajiliwa
na Simba kutoka Vital’O mwaka 2013 na kucheza kwa mafanikio mpaka pale
alipoachwa dakika za mwisho msimu wa 2014/15.
Akizungumza kwa
njia ya simu kutoka Burundi, Rais wa Vital’O, Benjamin Bekorimana, alisema
wamekubaliana na Simba wakutane Septemba kwa ajili ya kumalizia ishu hiyo.
Alisema
makubaliano na Simba waliojiwekea ni kumwachia Laudit Mavugo lakini pia
wamalizane na ishu ya Tambwe.
“Sisi na
Simba hatuna tatizo ni ndugu zetu na ndiyo maana tumemalizana na Mavugo, lakini
tumekubaliana pia tumalizane ishu ya Tambwe,” alisema.
Licha ya
kudaiwa fedha hizo, Simba walishaachana na Tambwe ambaye ni mfungaji bora msimu
uliopita na sasa yupo kwa wapinzani wao wa jadi, Yanga.
CHANZO:
BINGWA
Post a Comment