BAADA kupata sare inayodaiwa kuwa ni ya mbeleko
dhidi ya African Lyon, Kocha Mkuu wa Azam, Mhispania, Zeben Hernandez, amekiri
kuwa kikosi chake kina upungufu mkubwa katika safu ya ushambuliaji na kwamba
anahitaji mtu sahihi wa kucheza nafasi hiyo.
Katika mchezo huo uliopigwa juzi Jumamosi kwenye
Uwanja wa Azam complex, Azam ilipata bao
la kusawazisha katika dakika sita za nyongeza baada ya kumalizika dakika tisini
ikiwa inaufukuza mchezo kwa 1-0.
“Ni kweli
ufungaji katika kikosi changu umekuwa ni mgumu, ni kwa sababu bado safu hiyo
ina upungufu wa washambuliaji, ingawa
ninachokifanya kwa sasa ni kuwatumia hawa waliopo kwa sababu suala hilo mpaka
uongozi wa klabu unalijua.
“Lakini kwa sasa nina mambo mawili tu ya kufanya,
aidha kuwatengeneza wachezaji waliopo ili waweze kucheza vizuri katika nafasi
hiyo ama kuangalia uwezekano wa kutafuta straika mpya kabisa,” alisema Zeben.
Post a Comment