KOCHA Mkuu
wa JKT Ruvu, Hamsini Malale, amesema atahakikisha anaisimamisha Simba kwa
kuibuka na ushindi katika mchezo wa Ligi Kuu ya Vodacom Tanzania Bara,
utakaochezwa Jumamosi kwenye Uwanja wa Taifa, Dar es Salaam.
Simba
wameanza msimu mpya kwa kishindo baada ya kuibuka na ushindi wa mabao 3-1 dhidi
ya Ndanda FC, katika mchezo uliochezwa juzi, Uwanja wa Taifa.
Akizungumza
na BINGWA jana, Malale alisema pamoja na
Simba kuibuka na ushindi huo, lakini washambuliaji wao tegemeo, Ibrahim Ajib na
Laudit Mavugo hawatapata nafasi ya kusumbua mabeki wake, kutokana na majukumu
aliyowapa.
Malale
alisema Simba wasitegemee mteremko
kutoka kwao, kwani wamejiandaa katika kuhakikisha wanaondoka na pointi tatu ili
waweze kuanza msimu kwa matokeo mazuri.
Alisema
wataendeleza ushindi kwa Simba baada ya kuwafunga mabao 2-1 katika mchezo wa
mwisho wa msimu uliopita.
Malale
alisema anaendelea kuboresha kikosi chake ili kiweze kucheza soka ya ushindani,
ili waweze kuibuka na ushindi.
Alisema ili
waweze kuleta mabadiliko na matokeo mazuri, wachezaji wao wamekuwa wakifanya
mazoezi makali ili kuwajengea ufiti.
“Maandalizi
yapo vizuri, tutahakikisha wachezaji wanacheza kwa nidhamu na utulivu ili
kuweza kupata ushindi,” alisema Malale.
Post a Comment